投稿内容を送信しています。
画面を閉じずにそのまま、お待ちください...
％
སྐྱ་པཎྡི་ཏ་ཀུན་དགའ་རྒྱལ་མཚན་ནི་རབ་བྱུང་གསུམ་པའི་ཆུ་ཕོ་སྟག་སྤྱི་ལོ་༡༡༨༢ལོར་ས་སྐྱར་ཡབ་དཔལ་ཆེན་འོད་པོ་ཆེ་དང་ཡུམ་མ་གཅིག་གར་ཕུ་མ་ཉི་ཁྲི་ལྕམ་གཉིས་ཀྱི་སྲས་སུ་འཁྲུངས།འཇམ་མགོན་ས་སྐྱ་པཎྜི་ཏ་ཀུན་དགའ་རྒྱལ་མཚན་དཔལ་བཟང་པོ་མཆོག་ནི། བོད་ཀྱི་རབ་བྱུང་གསུམ་པའི་ཆུ་ཕོ་སྟག་ལོ་སྟེ་སྤྱི་ལོ་༡༡༨༢ལོར་ཡབ་དཔལ་ཆེན་འོད་པོ་ཆེ་རྗེ་བཙུན་གྲགས་པ་རྒྱལ་མཚན་གྱི་གཅུང་།དང་།ཡུམ་མ་གཅིག་གར་ཕུ་མ་ཉི་ཁྲི་ལྕམ་གཉིས་ཀྱི་སྲས་སུ་ངོ་མཚར་བའི་ལྟས་བསམ་གྱིས་མི་ཁྱབ་པ་དང་བཅས་ཏེ་ས་སྐྱར་སྐུ་འཁྲུངས་ཤིང་། ཁོང་གི་ཆུང་མིང་ལ་དཔལ་ལྡན་དོན་གྲུབ་ཅེས་གསོལ།རྗེས་སུ་རྣལ་འབྱོར་གྱི་དབང་ཕྱུག་ཁོ་བོ་རྗེ་བཙུན་གྲགས་པ་རྒྱལ་མཚན་གྱི་དྲུང་ནས་ཚངས་པར་སྤྱོད་པའི་དགེ་བསྙེན་གྱི་སྡོམ་པ་ཡང་དག་པ་བླངས་ཏེ་མཚན་ལ་ཀུན་དགའ་རྒྱལ་མཚན་ཞེས་གསོལ།
